Ferðin hefst í Santa Cruz. Borgin er sú stærsta og helsta iðnaðarborg í Bolivíu einnig þekkt fyrir garða sína, söfn og byggingarlist í miðborginni.

Eftir morgunverð leggjum við af stað frá Santa Cruz í einkaakstri til heillandi fjallabæjarins Samaipata, sem er þekktur fyrir afslappað andrúmsloft og mikilvægar fornleifar. Á leiðinni er heimsótt kólibrífugla verndarsvæði þar sem tugir litríkra fugla svífa um loftið ógleymanleg stund fyrir náttúruunnendur.

Síðdegis er frjáls tími til að kanna bæinn á eigin forsendum.

Samaipata er boðið upp á fjölbreyttar valkvæðar dagseferðir. Gönguleiðirnar í Codo de los Andes henta öllum, allt frá léttum göngum til krefjandi leiða sem reyna á þol og úthald, og svæðið er þekkt fyrir stórbrotið landslag og kyrrð. Einnig er hægt að fara í gönguferð um Amboró þjóðgarðinn, þar sem finna má einstaka regnskóga, þar á meðal hinn fræga risa burknaskóg og leifar af fornum La Yunga skógum, sem teljast meðal elstu skóga jarðar. Hrjúft landslag og djúpir dalir hafa varðveitt þessa náttúru í þúsundir ára og gera heimsóknina að ógleymanlegri upplifun.

Dagurinn hefst með valkvæðri heimsókn til El Fuerte, dularfulls staðar á fjallshrygg. Þessi fornleifa staður sem er á heimsminjaskrá UNESCO einkennist af risastórum útskornum steinflötum og helgisiða svæðum sem talið er að bæði Inkar og eldri menningarhópar hafi notað. Síðdegis er haldið aftur til Santa Cruz og flogið innanlands til Sucre, borgar sem iðar af fágun og nýlendu töfrum.

Gönguferð um borgina Sucre sem er höfuðborg Bolivíu. Við heimsækjum svo Casa de la Libertad, þar sem sjálfstæði Bólivíu var lýst yfir árið 1825, og röltir um skuggasæla stíga Parque Bolívar, þar sem eftirlíkingar af Eiffelturninum og Sigurboganum minna á drauma yfirstéttar 19. aldar. Ferðin heldur áfram að Recoleta klaustrinu og útsýnisstað með víðáttumiklu útsýni yfir borgina. Þá er heimsótt ASUR-textílsafnið, þar sem við kynnumst fornum vefnaðar hefðum frumbyggja Bólivíu. Fyrir þá sem hafa áhuga á steingervingafræði er valkvæð heimsókn til Cal Orck’o, heimkynna yfir 12.000 steingerðra fótspora risaeðla.

Eftir morgunverð er ekið upp í Andesfjöllin til Potosí, sem eitt sinn var ein ríkasta borg heims. Á 16. öld fannst silfur á þessum slóðum og hófst námugröftur á hinu goðsagnakennda Cerro Rico-fjalli. Við heimsækjum miðbæinn með nýlendu kirkjum og byggingum og kynnumst námu iðnaðinum sem mótaði örlög landsins.

Síðdegis er ekið eftir fallegum vegum til Colchani. Gist er á einstökum stað – glæsihóteli sem er byggt alfarið úr salti.

Hér tekur á móti þér eitt súrrealískasta landslag jarðar – Salar de Uyuni. Þessi endalausa hvíta víðátta teygir sig að sjóndeildarhringnum eins og frosið haf. Hér hefst jeppaferðð þar sem farið er í traustum 4x4-bílum. Heimsóttir eru Ojos del Sal, fylgst með salt námamönnum að störfum og gengið meðal risavaxinna kaktusa á Isla Incahuasi, kóraleyju sem rís upp úr saltinu. Ef rigningar hafa verið hagstæðar myndast spegilmyndir sem skapa einstök ljósmyndatækifæri. Við sólsetur breytist landslagið í óendanlegan litaskrúða.

Kvöldinu er eytt í San Juan, litlu þorpi undir stjörnubjörtum himni Altiplano-hálendisins.

Í dag liggur leiðin inn á hálendi Bólivíu. Fyrsti viðkomustaður er útsýnisstaður yfir virka eldfjallið Ollagüe við landamæri Chile. Ekið er áfram fram hjá grænbláum vötnum, hvert þeirra sannkallað náttúru meistaraverk. Eftir það liggur ferðin dýpra inn í Siloli eyðimörkina.

Því næst er haldið að stórbrotinni Laguna Colorada, þar sem rauðleit vötnin eru full af flamingóum. Gist er í Huallajara, samfélagi í mikilli hæð í eyðimörkinni.

Dagurinn hefst við Sol de Mañana, svæði með gufandi goshverum og bullandi leirpottum. Eftir það er ekið um súrrealísk landsvæði á borð við Rock Valleys og Capina vatn áður en haldið er aftur til Uyuni. Oft er stoppað í San Cristóbal til að skoða nýlendu kirkju áður en dagurinn endar við hinn fræga lestargröf Uyuni, þar sem ryðgaðar eimreiðar segja sögu liðinna tíma.

Stutt morgunflug til La Paz, hæstu borgar heims, um 3.600 metra yfir sjávarmáli. Stjórnarsetur Bólivíu er staðsett þar. Við skoðum miðborgina við Plaza Murillo, þar sem forsetahöllin og dómkirkjan standa, og röltum um heillandi Calle Jaén. Við ferðumst með kláfum um borgina yfir litrík hverfi og niður í Tungldalinn (Valle de la Luna), sérstakt landslag leir stapa og gljúfra. Dagurinn endar á Norna markaðnum (Witches Market), þar sem fornar Andes hefðir lifa enn.

Dagurinn er þinn til að njóta á eigin forsendum. Kíktu á staðbundna markaði, slakaðu á á kaffihúsi eða skoðaðu lifandi lista- og matarmenningu borgarinnar. Gott tækifæri til að upplifa orkuna í borginni.

Ekið er í um fjórar klukkustundir yfir Altiplano-hálendið til Copacabana, bæjar við strendur Titicacavatns. Heimsótt er hin skrautlega Basilica de Copacabana áður en siglt er yfir hið helga vatn til Isla del Sol, goðsagnakennds fæðingarstaðar sólguðs Inka. Skoðaðar eru Inka rústir áður en notið er hádegisverðar við vatnið. Gist er á gistihúsi með útsýni yfir hið djúp bláa vatn.

Við sólarupprás getum við valið um fallega fjögurra klukkustunda göngu þvert yfir Isla del Sol að norður hofunum eða bátsferð til Isla de la Luna, heimkynna Tungls hofsins. Síðdegis er ekið aftur til La Paz með stórkostlegu landslagi.

Eftir morgunverð er skipulagri ferð lokið.